Orri Finn Design

Orri Finn Design er skartgripahönnun Orra Finnbogasonar og Helgu G. Friðriksdóttur. Orri er menntaður gullsmiður og sérhæfður í demantaísetningum en Helga hefur starfað í skartgripageiranum undanfarin ár. Allar skartgripalínur Orri Finn eru hannaðar af Helgu og Orra en síðan þau leiddu hesta sína saman árið 2011 hafa þau gefið út skartgripalínurnar Akkeri (2012), Scarab (2013) og Fléttu (2014).

AKKERI - Skartgripalína er ætluð konum og körlum eftir Orra Finn Design.

Akkerið er alþjóðlegt tákn sjómennskunar. Akkerið er verkfæri þeirra sem stunda sjó og minnisvarði um þá sem hafa tileinkað líf sitt hafinu. Skartgripalínan AKKERI vísar einnig í siglinuna sjálfa, ferðalagið og ævintýraþrána. Sjóleiðis getur þú kannað ókunn svæði og fengið útrás fyrir ævintýraþrá þína en án akkeris mun þig reka. Akkerið er landfestin og gerir þér því kleift að stýra ferðalagi þínu í réttar áttir og festa land þar sem þér líður best.

SCARAB – Skartgripalína  er ætluð konum og körlum eftir Orri Finn Design.

Scarab skartgripalínan dregur nafn sitt af fornegypskum verndargrip og líkja skartgripinir eftir bjöllum úr Scarabaeidae bjölluættinni.  Fornegyptar töldu bjöllurnar heilagar þar sem hegðun þeirra þótti hliðstæð hlutverki sólarguðs þeirra. Líkt og sólarguðinn ýtir sólinni inn í sjóndeildarhringinn veltir Scarab bjallan moldarkúlu á undan sér en í henni geymir bjallan eggin sín. Bjallan er því tákn hringrásarinnar og endurfæðingarinnar og heiðra skartgripir Scarab línunnar þessi tákn. 

-Vertu undir verndarvæng með skarti úr Scarab línunni



Go to the top